Agbẹjọ́rò tú àṣírí bọ́wọ́ ṣe tẹ Sunday Igboho ní Kútọnu - IROYIN AWIKONKO

YAJO-YAJO




Tuesday, July 20, 2021

Agbẹjọ́rò tú àṣírí bọ́wọ́ ṣe tẹ Sunday Igboho ní Kútọnu


Agbẹjọro fun Oloye Sunday Adeniyi Adeyẹmọ ti ọpọ awọn eeyan mọ Sunday Igboho, Pẹlumi Ọlajẹngbesi ti sọ pe irọ ni iroyin to n lọ nigboro wi pe ọwọ awọn agbofinro lo tẹ ọkunrin naa, bi ko ṣe pe funra rẹ lo mọ ọn mọ fi ara rẹ silẹ fun ijọba orilẹ-ede yii.

Alẹ ana, ọjọ Aje, Mọnde, la gbọ pe ọwọ tẹ Igboho lorilẹ-ede ede olominra Benin lakooko to fẹẹ wọ ọkọ ofurufu salọ si ilu Germany.

Ọlanjẹngbesi lakooko to n fidi iṣẹlẹ naa mulẹ sọ pe:
"Loootọ ni wọn ti mu Igboho, mo ti fidi rẹ mulẹ. A ti n gbe igbesẹ lati ri i daju pe o wa ni alaafia, nnkankan ko ṣe e. Ẹ mọ pe awọn DSS kede rẹ sita wi pe awọn n wa a. A kan gbagbọ ni pe wi pe Sunday Igboho ki i ṣe iṣoro. O jẹ ẹnikan to gbagbọ ninu wi pe ki awọn ọmọ Yoruba ati Naijiria lapapọ n gbe ni alaafia nibikibi ti wọn ba wa.

“Mo fẹẹ fi da a yin loju, mo si fẹ ki ẹ mọ pe wọn ko deede ri Sunday Igboho mu, bi ko ṣe pe o fẹẹ mọ ọn mọ fi ara rẹ silẹ fun ijọba. Bi ki ba a ṣe bẹẹ, wọn ko ṣa le deede mu bi wọn ṣe ri i mu yẹn. Ṣugbọn nitori igbagbọ rẹ wi pe o n fẹ ẹtọ gidi fawọn ọmọ Yoruba ati awọn ọmọ orilẹ-ede Naijiria lati le maa gbe ninu alaafoa, idi ree, to fi yọnda ara rẹ silẹ.

"Alẹ yii lo yẹ ko rin irin ajo lọ si orilẹ-ede Germany, ilu Kutọnu lo si fẹẹ gba lọ. O fẹẹ fi ilẹ Afrika silẹ lati Kutọnu to fẹẹ gba. Awọn agbofinro Kutọnu ni wọn rọwọ to o.
 
"Igbesẹ ti n lọ lati mu pada wa si Naijiria."

No comments:

Post a Comment



PIN-IN KAAKIRI