Ijọba Kwara kede miliọnu mẹjọ ataabọ naira gẹgẹ bi owo irin ajo Hajj - IROYIN AWIKONKO

    • LÉRÉFÈÉ

    Tuesday, September 9, 2025

    Home Esin IROYIN Ijọba Kwara kede miliọnu mẹjọ ataabọ naira gẹgẹ bi owo irin ajo Hajj

    Ijọba Kwara kede miliọnu mẹjọ ataabọ naira gẹgẹ bi owo irin ajo Hajj

    Ijọba ipinlẹ Kwara ti kede owo ti ko din ni miliọnu mẹjọ ataabọ naira gẹgẹ bi owo ti awọn ẹlẹsin Isilaamu yoo fi rin irin ajo lọ silẹ mimọ Hajj fun ọdun 2026.

    Ileeṣẹ to n ri sọrọ eto irin ajo Hajj nipinlẹ naa, Kwara State Muslim Pilgrims Welfare Board lo fi iroyin ọhun lede lọjọ Aje, ọsẹ yii.

    Wọn ni eto ti bẹrẹ fun awọn arinrin-ajo lati gba fọọmu ti wọn yoo fi rin irin ajo naa 

    Akọwe agba ileeṣẹ naa, Alaaji AbdulSalam Abdulkadir fidi iroyin naa mulẹ lasiko to n dahun ibeere lati ọdọ awọn akọroyin niluu Ilorin, ipinlẹ Kwara.

    Alaaji Abdulkadir ṣalaye pe miliọnu mẹjọ ataabọ naira ni owo ti ajọ to n ri sọrọ eto irin ajo Hajj lorileede Naijiria, National Hajj Commission of Nigeria (NAHCON) buwọ lu fawọn arinrin-ajo lati san.

    O ni arinrin-ajo to din diẹ ni ẹgbẹrun mẹrin (3,762) ni ajọ naa buwọ lu fun ipinlẹ Kwara.

    Bakan naa lo ṣalaye lẹkunrẹrẹ nipa ilana ti awọn arinrin-ajo naa yoo tọ lati ṣe iforukọsilẹ ati gbedeke ọjọ ti iforukọsilẹ yoo dopin.

    Bẹẹ lo dupe lọwọ Gomina AbdulRahman AbdulRazaq fun ọna to n gba lati mu irọrun ba awọn arinrin-ajo naa nilẹ Saudi titi digba ti wọn yoo pada sile.
    Tags
    PIN-IN KAAKIRI
    Author Image

    NIPA IROYIN AWIKONKO

    By at
    Tags: ,

    No comments:

    Post a Comment

    Subscribe to: Post Comments (Atom)

    PÍN-IN KÁÀKIRI

    Author Details

    Ile-iṣẹ AWIKONKO MEDIA CHANNEL lo n gbe IROYIN AWIKONKO jade pẹlu ontẹ Ijọba orilẹ-ede Naijiria labẹ ajọ iforukọsilẹ nni, iyẹn CORPORATE AFFAIRS COMMISSION. A fẹ ki ẹyin ti ẹ n ka Iroyin Awikonko mọ daju pe a ko ni i gba ẹnikẹni laaye lati ṣe ẹda iroyin wa, tabi gbe e jade ninu iwe iroyin min in lai gba aṣẹ lọwọ awọn alaṣẹ wa, ẹsẹ ofin la o fi gbe onitọhun. Bẹẹ, a ko ni fẹ ki ẹnikẹni ṣi iroyin wa ka, nitori pe iwadii kikun la n ṣe ka to le gbe iroyin jade, nitori naa, bi ẹ ba ka ifọrọwerọ pẹlu eeyan, ohun ti ẹni naa ba sọ, ki i ṣe awa la sọ ọ, ẹni naa lo sọ bẹẹ. Fun alaye lẹkunrẹrẹ, tabi ipolowo ọja yin, ẹ le kan si wa lori: +2347012342712.