Pẹlu erongba lati mu itẹsiwaju ba eto irin ajo afẹ ati aṣa, ijọba ipinlẹ Kwara ti bẹrẹ atunṣe opopona Owu Falls to wa niluu Owa-Onire, ijọba ibilẹ Ifelodun.
Ninu atẹjade ti amugbalẹgbẹ pataki fun gomina lori eto iroyin ayelujara, Olayinka Fafoluyi fi sita, o ni iṣẹ akanṣe ti onidagbasoke ṣi n tẹ̀siwaju ni Kwara, labẹ iṣakoso Gomina AbdulRahman AbdulRazaq.
Fafoluyi sọ pe opopona Owu Falls naa ni wọn n ṣe lati jẹ ki eto ọrọ aje agbegbe naa tubọ ni idagbasoke.
O ni bi ibi igbafẹ naa ṣe gbajumọ to, ti awọn eeyan si n lọ sibẹ lati gbafẹ, sibẹ opopona ni iṣoro ti agbegbe naa n koju, to si ni ijọba ti dide lati koju iṣoro ọhun.
Bakan naa lo ni awọn agbegbe bii Owu-Isin, Babanla, Agbala, ati Afon to wa nitosi ni yoo jẹ anfaani naa.
No comments:
Post a Comment